I Know What I Like (In Your Wardrobe)
I Know What I Like (In Your Wardrobe) Singel av Genesis frå albumet Selling England by the Pound | ||
B-side | Twilight Alehouse | |
|---|---|---|
Utgjeve | 3. august 1973 | |
Sjanger | Progressiv rock, psykedelisk rock | |
Lengd | 4:07 | |
Selskap | Charisma | |
Låtskrivar(ar) | Tony Banks, Phil Collins, Peter Gabriel, Steve Hackett, Mike Rutherford | |
Produsent | John Burns & Genesis | |
Genesis-kronologi | ||
| Happy the Man (1972) | I Know What I Like (In Your Wardrobe) | Counting Out Time (1974) |
«I Know What I Like (In Your Wardrobe)» er ein song av det engelske rockebandet Genesis frå albumet Selling England by the Pound i 1973. Songen vart gjeven ut som singel august 1973 og vart ein hit i april 1974 då han nådde 21. plassen på singellista i Storbritannia. Dette var første singelen til Genesis som gjekk inn på lista.[1]
Teksten omhandlar ein ung mann som er tilsett som oppsynsmann og som seier han ikkje ønsker å vekse opp og gjere store ting. Han er nøgd med der han er no, som grasklyppar. Betty Swanwick-måleriet The Dream, som vart nytta som plateomslag for Selling England, var inspirasjonen til teksten.
Songen har ein psykedelisk rock-stil med perkusjonsrytmar og eit elektrisk sitar-riff frå Mike Rutherford (på konsertane spelt av Steve Hackett).
Seinare konsertversjonar av denne songen (som på Seconds Out) inneheldt ein lengre instrumental del med klipp frå andre Genesis-songar – som «Visions of Angels», «Blood on the Rooftops», «Dancing with the Moonlit Knight» og «Stagnation» – og songar av andre artistar som «Don't Let Me Be Misunderstood». Phil Collins danna under desse instrumentalane medan han slo på ein tamburin. Dette kan ein sjå i Genesis: In Concert frå 1977 og The Way We Walk – Live in Concert (1992) og When in Rome 2007.
«I Know What I Like» var den einaste pophitten til bandet i dei tidlege åra, ei tid då progressive rockeband i stor grad unngjekk singelmarknaden. Songen vart spelt på Top of the Pops og dansa til av Pan's People. Suksessen vart ikkje toppa før «Follow You Follow Me» på And Then There Were Three fire år seinare.
I 1993 gjorde Marillion sin tidlegare frontmann, Fish, ein coverversjon av songen på sin Songs from the Mirror.
B-sida til singelen var «Twilight Alehouse», som ikkje vart gjeve ut på albumet. Denne songen hadde vorte spelt på konsertane til Genesis sidan 1970, men vart ikkje spelt inn i studio før 1973. «Twilight Alehouse» vart sidan gjeven ut på Genesis Archive 1967-75.
Medverkande |
Peter Gabriel - solovokal, fløyte, perkusjon
Steve Hackett - elektrisk gitar
Mike Rutherford - bass, elektrisk sitar, korvokal
Tony Banks - Hammondorgel, ARP Pro Soloist, korvokal
Phil Collins - trommer, korvokal, perkusjon
Kjelder |
Denne artikkelen bygger på «I Know What I Like (In Your Wardrobe)» frå Wikipedia på engelsk, den 29. september 2012.
Wikipedia på engelsk oppgav desse kjeldene:
↑ Genesis UK chart history, The Official Charts Company. Henta 30. september 2012.
Genesis | |
|---|---|
Tony Banks · Mike Rutherford · Phil Collins Peter Gabriel · Anthony Phillips · Chris Stewart · John Silver · John Mayhew · Mick Barnard · Steve Hackett · Ray Wilson
| |
| Studioalbum | From Genesis to Revelation · Trespass · Nursery Cryme · Foxtrot · Selling England by the Pound · The Lamb Lies Down on Broadway · A Trick of the Tail · Wind & Wuthering · ...And Then There Were Three... · Duke · Abacab · Genesis · Invisible Touch · We Can't Dance · Calling All Stations |
| Konsertalbum | Genesis Live · Seconds Out · Three Sides Live · The Way We Walk, Volume One: The Shorts · The Way We Walk, Volume Two: The Longs · Live over Europe 2007 |
| Samlealbum | Turn It On Again: The Hits · Platinum Collection |
| Singlar og EPar | «The Silent Sun» · «A Winter's Tale» · «Where the Sour Turns to Sweet» · «The Knife (Part 1)» · «Happy the Man» · «Watcher of the Skies» · «I Know What I Like (In Your Wardrobe)» · «Counting Out Time» · «The Carpet Crawlers» · «Entangled» · «A Trick of the Tail» · «Your Own Special Way» · «Spot The Pigeon (EP)» · «Follow You Follow Me» · «Many Too Many» · «Turn It On Again» · «Duchess» · «Misunderstanding» · «Abacab» · «No Reply at All» · «Keep It Dark» · «Man on the Corner» · «3X3 (EP)» · «Paperlate» · «Mama» · «That's All» · «Home by the Sea» · «Illegal Alien» · «Taking It All Too Hard» · «Invisible Touch» · «Throwing It All Away» · «Land of Confusion» · «In Too Deep» · «Tonight, Tonight, Tonight» · «No Son of Mine» · «I Can't Dance» · «Hold on My Heart» · «Jesus He Knows Me» · «Never a Time» · «Invisible Touch (Live)» · «Tell Me Why» · «Congo» · «Shipwrecked» · «Not About Us» · «The Carpet Crawlers 1999» · «The Silent Sun 2006» |
