Hcfyk

Hanna Jensen
Parti	Framsókn, Fólkaflokkurin
Fødd	19. februar 1973
Fødestad	Leirvík

Hanna Jensen (fødd 19. februar 1973 i Leirvík) er ein færøysk adjunkt og politikar for partiet Framsókn. I februar 2019 vart ho medlem av Færøyanes regjering som utdannings- og forskingsminister.^[1]

Etter studentereksamen har ho tatt mastergrad i færøysk og fransk språk og litteratur, i tillegg til eksamenar i pedagogikk og jus, ved Københavns Universitet og Fróðskaparsetur Føroya. Jensen har vore adjunkt og studietrettleiar ved den vidaregåande skulen i Kambsdalur sidan 2005, etter å ha undervist ved den tekniske skulen i Klaksvík. Jensen har òg vore timelærar i færøysk litteratur ved Føroya Læraraskúli. Ho er busett i Norðragøta.^[2]

Jensen har vore medlem av kommunestyret i Eysturkommuna sidan 2009, og har leia både velferdsutvalet og kulturutvalet.^[2][3] Ho representerte Fólkaflokkurin fram til 2011, då ho tok initiativ til å danna det nasjonale og liberale partiet Framsókn saman med Poul Michelsen.^[4] Jensen har sidan vore nestformann i partiet. I perioden 2011–2015 var ho vararepresentant til Lagtinget, der ho periodevis møtte for representantane Poul Michelsen og Janus Rein.^[5] I 2015 vart Jensen innvalgt som representant.

Jensen har vore fransk konsul på Færøyene sidan 2010.^[6]

Referansar |

1. 
   ↑ «Tvey landsstýrisfólk sita fyri mentamálum» (færøysk). Løgmansskrivstovan. 14. februar 2019. Henta 28. februar 2019. 
   


2. 
   ↑ ^2,02,1 «Løgtingsvalið 2011. Valevni til løgtingsvalið. Hanna Jensen» (færøysk). Framsókn. 2011. Henta 26. juli 2014. 
   


3. 
   ↑ «Býráðslimir» (færøysk). Eysturkommuna. Arkivert frå originalen 2015-09-24. Henta 26. juli 2014. 
   


4. 
   ↑ Lindenskov, Eirikur (9. mars 2011). «Nýggi flokkurin hjá Poul eitur »Framsókn«». Sosialurin (færøysk). Arkivert frå originalen 2012-07-22. Henta 26. juli 2014. 
   


5. 
   ↑ «Varamenn fyri tingmenn valdir 2011» (færøysk). Løgtingið. Henta 26. juli 2014. 
   


6. 
   ↑ Poulsen, Leo (7. mai 2010). «Øskan forpurrar konsulskifti». Sosialurin (færøysk). Henta 26. juli 2014. ^{[daud lenkje]}