Hcfyk

Koordinatar: 59°49′50″N 6°49′17″E

Røldal stavkyrkje
kyrkje
Foto: Roar Johansen
Kyrkjesamfunn	Den norske kyrkja
Bispedøme	Bjørgvin
Prosti	Hardanger og Voss
Sokn	Røldal
Fellesråd	Odda
Type	langkyrkje
Teknikk	stavverk
Material	tre
Takryttar	ja
Kyrkjegard	ved kyrkja
Wikimedia Commons: Røldal stavkirke

Røldal stavkyrkje er ei stavkyrkje i Røldal i Odda kommune i Hardanger, bygd kring 1250. Kyrkja er framleis i bruk som soknekyrkje.

Kyrkja er einskipa og utan forhøga midtrom, og skil seg ut frå dei andre bevarde og dokumenterte stavkyrkjene i somme delar av konstruksjonen. Ho har mellom anna mellomstolpar, og det har vore diskutert om ho opphavleg kan ha hatt jordgravne hjørnestolpar, og soleis eigenleg vart bygd som ei såkalla stolpekyrkje i si tid.^[1]

Vegger og tak inni kyrkja er rosemåla, og krusifikset heng over korbogen. Fotografi teke i 1933.

Foto: Anders Beer Wilse

Plasseringa til Røldal stavkyrkje

Kyrkja er kjend for eit krusifiks som skulle vere undergjerande, og var lenge eit pilegrimsmål.
Særleg jonsoknatta har det vore mange tilreisande.
Krusifikset skulle etter segna sveitta kvar jonsoknatt og sveitten hadde undergjerande og lækjande kraft.
Skikkane knytt til pilegrimsferder og jonsoknatta heldt seg levande eit par hundre år etter reformasjonen, og tok ikkje slutt før presten og Ryfylke-prosten var i Røldal jonsoknatta i 1835.
Røldalskyrkja skal ha vore det viktigaste pilegrimsmålet i Noreg sør for Nidarosdomen.
Det var ikkje berre sjuke og folk med fysiske skader som kunne få hjelp i Røldal, også til dømes slikt som rovdyrplage kunne hjelpast.
Det er til dømes bevard ei oblatøskje send frå Hjelmeland prestegjeld der det er inngravert mellom anna: «Lad plagen holde op, vi derom bede dig, Bevare fæ og faar, driv fra dem ulve krig. Anno 1704.».
Det er også bevard ei tavle frå same prestegjeldet gjeven i 1777 som takk for at ulven då var borte.

Fotnotar |

Bakgrunnsstoff |

• Jørgen H. Jensenius: «Røldal, stavkirke eller...?», på nettstaden stavkirke.org


• Olavsrosa om Røldal stavkyrkje


• Skanna kyrkjebøker frå Hordaland på nettstaden til Arkivverket


• Oversyn over gravminne i Odda kommune på nettstaden disnorge.no


• 
  


• 
  Vis Røldal stavkyrkje i kulturminnesok.no, nettstaden til Riksantikvaren
  
  Denne kyrkjeartikkelen som har med Hordaland å gjere er ei spire. Du kan hjelpe Nynorsk Wikipedia gjennom å utvide han.