Hcfyk

Verdsmeisterskapen i handball 2011for kvinner, den 20. i rekka, vart avvikla i tida 2. til 18. desember 2011 i Delstaten São Paulo i Brasil. Til saman 24 land deltok i turneringa. Noreg vann meisterpokalen etter finalesiger 32-24 mot Frankrike.

VM-finalen |

Finalen mellom semifinalevinnarane Frankrike og Noreg fann stad i São Paulo framfor 4 000 tilskodarar. Dei norske kvinnene starta forrykande i fyrste omgangen og leia med seks mål ved pause, 19-13. Sidan var ikkje sigeren truga og sluttresultatet vart 32-24 til Noreg.

På Noregs lag spelte burvaktarane Katrine Lunde Haraldsen og Kari Aalvik Grimsbø og målskårarane Kristine Lunde-Borgersen 6, Linn Sulland 5, Amanda Kurtovic 4, Heidi Løke 4, Tonje Nøstvold 4, Karoline Breivang 2, Camilla Herrem 2, Kari Mette Johansen 2, Linn-Kristin Riegelhuth 2, Ida Alstad 1, medan Marit Frafjord, Gøril Snorroeggen, Mari Molid og Stine Oftedal gjekk mållause av finalearenaen.

Franske målskårarar var Claudine Mendy og Angélique Spincer 4, Siraba Dembélé og Nina Kamto Njitam 3, Audrey Bruneau, Audrey Deroin, Marie-Paule Gnabouyou, Paule Baudouin, alle 2, Raphaëlle Tervel og Camille Ayglon 1.

Matja Gubica og Boris Milosevic frå Kroatia dømde finalekampen. Dei straffa Noreg med to 2-minuttsutvisingar og Frankrike med fem.

Kjelder |