Surnadal kommune
| Surnadal kommune | ||
kommune | ||
| ||
| Land |  Noreg | |
|---|---|---|
Fylke | Møre og Romsdal | |
Adm.senter | Skei | |
| Areal | 1 365 km² | |
| - land | 1 322 km² | |
| - vatn | 43 km² | |
| Folketal | 5 978 (1. januar 2018) | |
| Folketettleik | 5 / km² | |
Målform | nynorsk | |
Ordførar | Lilly Gunn Nyheim (Ap) | |
Kommunenr. | 1566 | |
 | ||
Wikimedia Commons: Surnadal | ||
Nettstad: www.surnadal.kommune.no | ||
Surnadal er ein kommune på Nordmøre i Møre og Romsdal. Kommunen grensar til Halsa og Hemne i nord, Rindal i aust, og Sunndal i sør. Over fjorden ligg Tingvoll kommune.
Surnadal kommune ligg ved foten av Trollheimen. Han er sett saman av fleire dalar, med Surnadalen som den viktigaste. Dei mindre dalane er Bæverfjord, Bæverdalen, Bøfjorden, Østbødalen, Søyådalen, Todalen, Kvanne og Stangvik.
Frå Surnadal strekkjer det seg fleire seter- og fjelldalar langt inn i sentrum av Trollheimen. Det høgaste fjellet her er Snota, 1668 moh. Elva Surna renn gjennom Surnadal frå Rindal og vestover. Her blir elva forma i det største deltaområdet i Nord-Europa før ho renn ut i Surnadalsfjorden[treng kjelde]. Surna er rik på laks og er eit trekkplaster for bygda.
Det milde klimaet og jordsmonet gjer Surnadal til ein god jordbrukskommune. Økonomien er bygd på jordbruk, skogsdrift, industri og meir. Administrasjonssentrumet heiter Skei.
Surnadal har ferjesamband med Sunndal over Kvanne–Rykkjem, og riksveg 65 går til Trondheim.
Surnadal er heimbygda til den nasjonalkjende diktaren Hans Hyldbakk, som har vore med på å gje bygda sterke kulturtradisjonar.
Innhaldsliste
1 Folketalsutvikling
2 Kjende personar frå Surnadal
3 Bilete
4 Kjelder
5 Bakgrunnsstoff
Folketalsutvikling |
Folketalsutvikling for noverande Surnadal kommune frå 1920:
| 1.12.1920[1] | 1.12.1930[2] | 3.12.1946[2] | 1.1.1951[3][4][5] | 1.1.1961[3] | 1.1.1971[3] | 1.1.1981[3] | 1.1.1991[3] | 1.1.2001[3] | 1.1.2010[3] |
|---|---|---|---|---|---|---|---|---|---|
| 5887a | 6135a | 6703a | 6760a | 6554a | 5979 | 6259 | 6391 | 6248 | 5956 |
aTalet omfattar krinsen Ålvundfjord og grendene Åsprong og Sandnes, som var del av gamle Stangvik kommune fram til kommunesamanslåinga i 1965. Ålvundfjord vart då overført til Sunndal kommune og Åsprong og Sandnes til Tingvoll kommune. Desse områda hadde då 534 innbyggjarar til saman.
Kjende personar frå Surnadal |
Henning Sommerro, (1952- ), musikar, komponist og musikklærar.
Hans Hyldbakk, (1898–2001), diktar og bygdebokforfattar
Ole Andreas Lindeman, (1769–1857), organist og musikkpedagog
Hallvard Ørsal, (1876-1943), spelemann
Trygve Brøske, (1973- ), pianist og komponis
Kaare Espolin Johnson, (1907–1994), biletkunstnar og illustratør.
Bilete |
Trollhetta sett frå Snota
Surnadalsøra
Mo kyrkje er ei av dei få Y-forma kyrkjene i landet.
Kjelder |
↑ Statistisk årbok for kongeriket Norge 40de årgang, 1920 (Det statistiske centralbyrå, 1921)
↑ 2,02,1 Statistisk årbok for Norge 69. årgang, 1950 (Statistisk sentralbyrå, 1950)
↑ 3,03,13,23,33,43,53,6 Folkemengd i Surnadal 1. januar kvart år frå 1951, frå Statistisk sentralbyrå
↑ Folkemengd i Stangvik 1. januar kvart år frå 1951, frå Statistisk sentralbyrå
↑ Folkemengd i Åsskard 1. januar kvart år frå 1951, frå Statistisk sentralbyrå
Bakgrunnsstoff |
- Surnadal kommune
Kommunar i Møre og Romsdal | ||
|---|---|---|
| Sunnmøre |
|  |
| Romsdal | ||
| Nordmøre | ||
|
