Hcfyk

Nordre valkrins (nordsamisk: Davveguovllu válgabiire, bokmål: Nordre valgkrets) er ein valkrins ved Sametingsvala i Noreg frå og med valet i 2009.^[1] Krinsen vert også kalla valkrins 3. Stemmerett i krinsen har dei som er busette der og er innførde i manntalet til Sametingsvalet. I 2017 var det 2540 personar som var registrerte i manntalet i området.^[2]

Krinsen femner kommunane Nordkapp, Måsøy, Kvalsund, Hammerfest, Hasvik, Alta og Loppa i Finnmark fylke, og Skjervøy, Kvænangen og Nordreisa i Troms fylke.^[1]

Det skal ved valet i 2015 veljast inn seks sametingsrepresentantar frå krinsen.^[3] Sametinget skal til saman ha 39 representantar.

Krinsordninga ved Sametingsvala vart endra framfor valet i 2009. I staden for dei 13 krinsane ein nytta ved Sametingsvala i 1989, 1993, 1997, 2001 og 2005, er det frå 2009 sju krinsar.^[4] Nordre valkrins tilsvarar den tidlegare krinsen Alta/Kvalsund valkrins i tillegg til Nordkapp og Måsøy kommunar som tidlegare var del av Porsanger valkrins, og Skjervøy, Kvænangen og Nordreisa kommunar som høyrde til Nord-Troms valkrins.^[5]

Parti og vallister som stilte til Sametingsvalet i 2017 i Nordre valkrins |

Desse partia og vallistene stilte til Sametingsvalet i 2017 i krinsen.^[6]

• Árja


• Arbeidarpartiet


• Framstegspartiet


• Høgre


• Nordkalottfolket


• Norske Samers Riksforbund


• Senterpartiet


• Šiella

Referansar |

Bakgrunnsstoff |

• 
  FOR 2008-12-19 nr 1480: Forskrift om valg til Sametinget på nettstaden lovdata.no


• 
  Sametingsvalget 2009 – Rundskriv om endringer i valgbestemmelsene i sameloven og forskrift om valg til Sametinget på nettstaden til Den norske regjeringa

v • d • e Valkrinsar ved Sametingsvala
Austre · Ávjovárri · Nordre · Gáisi · Vesthavet · Sørsamisk · Sør-Noreg