Hcfyk

Respublika Tatarstan
Tatarstan Respublikası
 

Tatarstan sitt flagg Tatarstan sitt våpen
Hovudstad	Kazan
Areal - Totalt - % vatn	Rangering: 47. 67 836 km² 6,4 %
Innbyggjartal - totalt - folketettleik	Rangering: 8. ca. 3 786 400[1] (2010) ca. 55,8/km²
Føderalt distrikt	Privolzjskij (Volga)
Økonomisk region	Povolzjyje
Regionsnummer	16
Offisielt språk	Russisk, Tatarsk
President	Rustam Nurgalijevitsj Minnikhanov
Nasjonalsong	Tatarstans hymne
Tidssone	UTC +0300

Tatarstan (tatarsk: Татарстан Республикасы eller Tatarstan Respublikası; russisk: Республика Татарстан eller Татария) er ein delrepublikk i Russland, og eit av dei russiske føderasjonssubjekta. Han er 68 000 km² stor og har 3 786 400 innbyggjarar (2010). Republikkens hovudstad er Kazan. President er Rustam Minnikhanov.

Geografi |

Tatarstan ligg på den aust-europeiske sletta, om lag 800 kilometer aust for Moskva. Elvene Volga og Kama møtest her. Andre store elver er Belaja og Vjatka, som begge renn ut i Kama. Republikken strekkjer seg 290 kilometer frå nord til sør, og 460 kilometer frå aust til vest. Han er om lag like stor som Hedmark, Oppland og Buskerud til saman. Landskapet er hovudsakleg flatt, med nokre låge høgdedrag. 90 % av arealet ligg under 200 meter over havet. 16 % er skogkledd.

Klimaet er kontinentalt, middeltemperaturen er -14 grader celsius i januar og 19 grader celsius i juli.

Republikken har store oljeressursar.

Folkesetnad |

Dei største byane i Tatarstan er hovudstaden Kazan (1 144 000 ibuarar), Naberezjnyje Tsjelny (513 200), Nizjnekamsk (234 000) og Almetjevsk (146 400).^[1]

Majoritetsbefolkninga er tatarar, men russarane utgjer ein stor minoritet. Offisielle språk er russisk og tatarsk. Ved folketeljinga i 2010 var den etniske samansetjinga:^[1]

• 
  Tatarar: 53,2 %


• 
  Russarar: 39,7 %


• 
  Tsjuvasjar: 3,1 %

Fotnotar |

1. 
   ↑ ^1,01,11,2 "Vserossijskaja perepis naselenija 2010" - Folketeljinga i Russland 2010
   

Bakgrunnsstoff |

Wikimedia Commons har multimedia som gjeld: Tatarstan

• 
  Tatarstan sine offisielle heimesider på russisk, tatarsk og engelsk.
  
  Denne geografiartikkelen er ei spire. Du kan hjelpe Nynorsk Wikipedia gjennom å utvide han.
  
  

v • d • e Russiske republikkar
Adygia · Altaj · Basjkortostan · Burjatia  · Dagestan · Ingusjetia · Kabardino-Balkaria · Kalmykia · Karatsjajevo-Tsjerkessia · Karelen · Khakasia · Komi · Mari El · Mordovia · Nord-Ossetia · Sakha · Tatarstan · Tsjetsjenia · Tsjuvasjia · Tyva · Udmurtia