Hcfyk

Koordinatar: 59°54′52.718″N 10°44′23.748″E

Hotell Bondeheimen (Bøndernes Hus) i Rosenkrantz' gate 8, Oslo.

Hotell Bondeheimen er eit hotell i Oslo som er eigd av Bondeungdomslaget i Oslo gjennom Bøndenes Hus AS. Bygningen vart reist under namnet Bøndernes Hus i 1913 med Carl Berner og Jørgen Berner som arkitektar, og har adressa Rosenkrantz' gate 8, men med hovudfasaden mot Kristian IVs gate. Heimen Husflid har sitt butikklokale i bygningen.

I første etasje ligg hotellet sin restaurant, Kaffistova, som er populær fordi det vert servert god og tradisjonell norsk mat. Tidlegare hadde Bondeungdomslaget fleire kaffistover, Torgstova i Karl Johans gate ved Stortorget, Parkstova i Kristian Augusts gate og fleire. Drifta av hotellet og kaffistovene har sidan Bøndenes Hus stod ferdig i 1913 vore viktig for økonomien til Bondeungdomslaget i Oslo. No har hotellet om lag 135 rom og blant det høgaste belegget i Oslo. Hotellet er med i salskjeda Best Western.

Også i andre byer har det vore hotell med namnet "Bondeheimen", mellom dei Tromsø, Arendal, Grimstad, Lyngdal, Flekkefjord, Kristiansand, Mandal og Notodden.

Bakgrunnsstoff |

• 
  


• 
  Vis Bondeheimen i kulturminnesok.no, nettstaden til Riksantikvaren