Áhrif erlendra hvalveiðimanna á íslenskt samfélag voru talsverð á þeim stöðum sem hvalveiðimennirnir reistu hvalstöðvar sínar.

Fyrstu heimildir um hvalveiðar í atvinnuskyni á Íslandi eru veiðar Baska og Hollendinga upp úr aldamótunum 1600. Baskar byggðu að minnsta kosti þrjár landstöðvar, en aðeins hvalstöðin á Strákatanga hefur verið grafin upp af fornleifafræðingum. Á Strákatanga fannst mikið magn tóbakspípa (krítarpípur), sem er til marks um að hvalveiðimennirnir hafi komið með varning frá Nýja-heiminum, eins og tóbak, til Íslands og stundað þar ólöglega verslun við Íslendinga á tímum einokunarverslunarinnar.

Hvalveiðar Norðmanna á 19. öld voru veiðar af áður óþekktri stærðargráðu við Íslandsstrendur. Átti vera þeirra eftir að hafa talsverð áhrif á íslenskt þjóðfélag og kenna Íslendingum hvernig standa skyldi að stórútvegi. Að auki áttu norsku hvalveiðimennirnir eftir að hafa áhrif á efnahags- og menningarlegt líf Íslendinga.

• 
  1987 - Alþingi samþykkti ný lög, sem afnámu prestskosningar að mestu. Þær höfðu verið tíðkaðar frá 1886.


• 
  1988 - Fyrsta íslenska glasabarnið fæddist og var það tólf marka drengur.


• 
  1988 - Sjálfstæðisstríð Erítreu: Orrustan um Afabet átti sér stað.


• 
  1988 - 143 létust þegar Avianca flug 410 hrapaði í fjallshlíð við landamæri Kólumbíu og Venesúela.


• 
  1991 - 77% kusu með áframhaldandi sameiningu Sovétríkjanna í þjóðaratkvæðagreiðslu, en sex sovétlýðveldi hunsuðu kosninguna.


• 
  1993 - Verkamannaflokkur Kúrdistan tilkynnti einhliða vopnahlé í Írak.


• 
  2001 - Atkvæðagreiðsla um framtíð Reykjavíkurflugvallar var haldin í Reykjavík.


• 
  2003 - Robin Cook, innanríkisráðherra Bretlands sagði af sér vegna ágreinings um stríð á hendur Írak.


• 
  2008 - Gengisvísitala íslensku krónunnar féll um 6,97%. Var það mesta lækkun hennar á einum degi fram að því.


• 
  2011 - Öryggisráð Sameinuðu þjóðanna lýsti yfir flugbanni yfir Líbýu í kjölfar árása Líbýustjórnar á mótmælendur.