Judas Priest árið 2005

Judas Priest er hljómsveit frá Birmingham, Englandi sem spilar svokallaðan breskt nýbylgju-þungarokk eða bara þungarokk. Hún var stofnuð árið 1969 af K.K. Downing og Ian Hill. Rob Halford hefur yfirleitt verið söngvari Priest. Hann yfirgaf Priest eftir Painkiller tónleikaferðalagið árið 1991 en kom svo aftur árið 2003.

Á árunum 1996-2003 varð Tim Ripper Owens söngvari hljómsveitarinnar. Owens hafði áður verið í sveitinni British Steel sem tók ábreiðulög frá Judas Priest og náði eyrum hljómsveitarinnar eftir að Halford hætti. Kvikmyndin Rockstar með Mark Wahlberg og Jennifer Anniston er innblásin af veru Owens í Priest. Warner Bros sem framleiddi myndina vildi hafa Priest að einhverju leyti með í ráðum en að lokum komst hljómsveitin ekki að samkomulagi við Warner Bros þar sem meðlimirnir vildu hafa meiri áhrif á handritið. ^[1]

Árið 1990 var Judas Priest ákærð vegna sjálfsmorðs tveggja unglinga. Fjölskyldur þeirra héldu því fram að orsök sjálfsmorðanna hafi mátt rekja til þess að á plötu þeirra, Stained Class sem þeir höfðu verið að hlusta á áður en þeir frömdu verknaðinn, hafi verið duld skilaboð um hvatningu til sjálfsmorðs. Með því að spila lög af Stained Class aftur á bak hafi mátt heyra skilaboð eins og: „Gerðu það, gerðu það," ^[2]. Hljómsveitin var sýknuð af ákærunni.

Breiðskífur |

• Rocka Rolla (1974)


• Sad Wings of Destiny (1976)


• Sin After Sin (1977)


• Stained Class (1978)


• Killing Machine (1978)


• British Steel (1980)


• Point of Entry (1981)


• Screaming for Vengeance (1982)


• Defenders of the Faith (1984)


• Turbo (1986)


• Ram It Down (1988)


• Painkiller (1990)


• Jugulator (1997)


• Demolition (2001)


• Angel of Retribution (2005)


• Nostradamus (2008)


• Redeemer of Souls (2014)


• Firepower (2018)

Tengill |

Garg (vefrit) - Judas Priest

Tilvísanir |

1. 
   ↑ Judas Priest Turn Their Backs On ‘Rock Star’ Movie MTV. Skoðað 6. mars, 2016.
   


2. 
   ↑ http://timarit.is/view_page_init.jsp?pageId=2692076