Surtur er eldjötunn í norrænni goðafræði. Hann kemur úr Múspellsheimi og í Ragnarökum ríður hann um jörðina ásamt Múspellssonum og brennir jörðina með glóandi sverði. Þegar þeir ríða yfir Bifröst, brúna sem tengir Miðgarð og Ásgarð, brotnar hún; svo verður Surtur Frey að bana.

Þekktustu örnefni á Íslandi í höfuðið á Surti eru hraunhellirinn Surtshellir, lengsti hellir landsins, og Surtsey, eyja skammt frá Vestmannaeyjum sem varð til í eldgosi á árunum 1963-1967.

Textafræðingurinn Rudolf Simek telur hugmyndina um Surt mjög gamalgróna og bendir á vísanir í nafn hans í kvæðum eftir Eyvind skáldaspilli og Hallfreð vandræðaskáld frá 10. öld því til stuðnings. Hann bendir jafnframt á að í Landnámabók sé þegar minnst á hellinn Surtshelli og telur það vera til marks um að íslenskir landnemar hafi snemma þekkt til Surts. Simek bendir einnig á að venjulega sé talað um að jötnar komi að austan í norrænum goðsögum, en að Surtur komi hins vegar að sunnan. Þetta sé vafalaust til marks um það að hann sé tengdur við eld og hita. Simek segir að Íslendingar hafi vafalaust séð Surt fyrir sér sem voldugan jötun sem réð yfir eldi jarðarinnar og telur að hugmyndin um Surt sem óvin guðanna sé ekki upprunnin á Íslandi.

• 
  1991 - Alþingiskosningar voru haldnar á Íslandi. Fleiri listar voru í framboði en nokkru sinni, eða 11 listar alls.


• 
  1992 - Heimssýningin í Sevilla var opnuð.


• 
  1994 - Paul Touvier varð fyrsti Frakkinn sem dæmdur var fyrir glæpi gegn mannkyni fyrir að hafa fyrirskipað aftöku 7 gyðinga undir Vichy-stjórninni í Frakklandi á stríðsárunum.


• 
  1998 - Þýsku hryðjuverkasamtökin Rote Armee Fraktion voru leyst upp (að talið er).


• 
  1999 - Columbine-fjöldamorðin: Tveir nemendur Columbine-menntaskólans skutu 13 skólafélaga sína til bana og særðu 24 aðra en frömdu síðan sjálfsmorð.


• 
  2006 - RES Orkuskóli (The School for Renewable Energy Science) tók formlega til starfa á Akureyri, sumardaginn fyrsta, 20. apríl 2006.


• 
  2008 - Benedikt 16. páfi heimsótti Ground Zero í New York-borg.


• 
  2010 - Sprenging í olíuborpallinum Deepwater Horizon í Mexíkóflóa olli olíuleka sem stórskaðaði vistkerfi flóans.