Hcfyk

Heidi Marie Tjugum (fødd 5. september 1973) er ein norsk tidlegare handballspelar frå Skoger som vart europameister 1998 og verdsmeister 1999 med Noreg. Ho vann elles OL-sølv 1992 og OL-bronse 2000, to EM-sølv og eitt VM-sølv i tida 1992-2002. Tjugum, som var målvakt, er som klubbspelar best kjend for sine år i Bækkelaget SK og danske Viborg HK.

Landslagsspel |

Tjugum debuterte på det norske landslaget mot Sør-Korea 18. februar 1992 i Bodø. Hausten det året var ho med som tredjemålvakt då Noreg tok sølv etter finaletap mot nettopp Sør-Korea under Sommar-OL i Barcelona. Ho fekk ikkje plass i VM-troppa 1993, ei heller EM-troppa 1994. Frå 1996 byrja ho å spele ei viktigare rolle på landslaget, og under EM 1996 i Danmark vart ho kåra til beste målvakt i ein mestersskap som endå med finaletap mot vertslandet. Då Noreg tok sin fyrste internasjonale triumf ved handball-EM 1998 storspelte Tjugum i finalen mot Danmark, ein kamp som enda med 24-16. Året etter gjorde ho solid innsats då Noreg vann VM på heimebane, men det var Cecilie Leganger som vakta målet i finalen mot Frankrike. Tjugum vart kåra til beste målvakt under Sommar-OL 2000, ei turnering der Noreg vann bronse. Ho var korkje med i EM 2000 eller VM 2001, men var fyrstemålvakt då Noreg i 2002 på ny tapte ein EM-finale i Danmark mot vertslandet. Tjugum spelte sin 175. og siste landskamp i 2003.

Klubbspel |

Tjugum spelte på Glassverket til 1991. Ho melde då overgang til [Bækkelaget SK, eit lag ho spelte på til 1997. Etter indre strid i oslolaget, reiste ho til Viborg i Danmark, der ho vart verande i seks sesongar. Frå 2003 til -05 spelte Tjugum på Nordstrand IF i Oslo, deretter trente ho Gjøvik/Vardal ei tid, frå 2007 til 2010 var ho målvakt i Storhamar IL.

Merittar |

• Verdsmeister: 1999 med Noreg


• Europameister: 1998 med Noreg


• OL-sølv: 1992 med Noreg


• VM-sølv: 1997 med Noreg


• EM-sølv: 1996 og 2002 med Noreg


• OL-bronse: 2000 med Noreg


• Vinnar av EHF-pokalen: 1999 på Viborg


• Norsk seriemeister: 1992 og 1995 på Bækkelaget (2)


• Dansk seriemeister: 1999-2002 på Viborg (4)


• Norsk cupmeister: 1991 på Bækkelaget

Kjelder |