Hcfyk

Vestfold fylke
fylke
fylkesvåpen
Land	Noreg
Adm.senter	Tønsberg
Areal	2 224 km²
- land	2 157 km²
- vatn	67 km²
Folketal	249 058 (1. januar 2018)
Folketettleik	115 / km²
Målform	bokmål
Fylkesmann	Per Arne Olsen
Fylkesordførar	Rune Hogsnes (H)
Fylkesnummer	07
Wikimedia Commons: Vestfold
Nettstad: www.vfk.no

Vestfold er eit fylke i Noreg. Det grensar i nord og nordvest til Buskerud og i vest til Telemark. Fylket er det nest minste i Noreg i areal, men er det fylket med den tredje høgaste folketettleiken i landet. Den største byen i fylket er Sandefjord. Setet for fylkesmannen og fylkestinget ligg i Tønsberg.

Fylkesvåpenet er teikna av Hallvard Trætteberg og blei godkjent ved kongeleg resolusjon 30. januar 1970. Motivet er på raud grunn ei gull kongekrone, som skal vise til sambandet fylket har til kongeætta. Fylkesblomen til Vestfold er bøk og fylkessteinen er larvikitt.

Natur |

Vestfold har eit rikt dyre- og planteliv grunna tilhøva attmed Oslofjorden. I Vestfold er det 110 område og objekt som er verna etter naturvernloven. Områda utgjer til saman om lag 1,5 prosent av det totale arealet i fylket.^[1] Over halvparten av Vestfold er dekt av skog. Vestfold har ein øyrik skjergard med over 500 store og småe øyar.

Klima |

Vestfold har enkle terrengtilhøve og liten utstrekning og det gjer klimaet einsarta.

Den rådande vinden er nordaustleg om vinteren, og sørvestleg om sommaren. Den sommarlege sjøvinden kan verte ganske sterk og ofte nå kuling styrke i ytre strøk. Februar er den kaldaste månaden i heile fylket, og ved kysten er middeltemperatur kring –1 °C, medan han lengre inne i fylket går ned til kring –5 °C. For juli er middeltemperaturen 16–17 °C.

Årsnedbøren varierer frå kring 700 mm ytst på kysten til opp mot 1200 mm i indre strøk. Mest nedbør kjem det gjerne på ettersomaren, medan det er lite nedbør på våren og forsommaren. Om vinteren får typisk områda nær kysten meir snø enn område aust for Oslofjorden. Kysten har òg ein del tåke, mest om våren. Tåke er observert i kring 3-5 % av observasjonane.

Kommunar |

Nr.	Namn	Adm.senter	Folkemengd	Flatevidd km²	Målform
0701	Horten	Horten	000000000027317.000000000027 317	000000000000070.000000000070	bokmål
0704	Tønsberg	Tønsberg	000000000045360.000000000045 360	000000000000111.0000000000111	bokmål
0710	Sandefjord	Sandefjord	000000000062615.000000000062 615	000000000000421.0000000000421	bokmål
0711	Svelvik	Svelvik	000000000006672.00000000006 672	000000000000058.000000000058	bokmål
0712	Larvik	Larvik	000000000046801.000000000046 801	000000000000813.0000000000813	bokmål
0713	Sande	Sande	000000000009726.00000000009 726	000000000000178.0000000000178	bokmål
0715	Holmestrand	Holmestrand	000000000014212.000000000014 212	000000000000249.0000000000249	bokmål
0716	Re	Revetal	000000000009621.00000000009 621	000000000000225.0000000000225	bokmål
0729	Færder	Borgheim	000000000026734.000000000026 734	000000000000100.0000000000100	bokmål
Totalt	Vestfold	Tønsberg	000000000249058.0000000000249 058	000000000002224.00000000002 224	bokmål

Tidlegare inndelingar |

Tidlegare futedøme (fogderi) |

Futedøme (Fogderi)

Tidlegare futedøme

• 
  ██  Jarlsberg

Andebu, Hof, Holmestrand, Horten, Nøtterøy, Re, Sande, Stokke, Svelvik, Tjøme og Tønsberg

• 
  ██  Larvik

Lardal, Larvik og Sandefjord

Politikk |

Ved Stortingsvalet i 2009 vart fylgjande sju representantar vald inn på Vestfoldbenken i Stortinget for perioden 2009-2013:

• Representant nr. 154: Dag Terje Andersen (Ap), Lardal


• Representant nr. 155: Anders Anundsen (Frp), Larvik


• Representant nr. 156: Svein Flåtten (H), Sandefjord


• Representant nr. 157: Sonja Mandt (Ap), Larvik


• Representant nr. 158: Per Arne Olsen (Frp), Tønsberg


• Representant nr. 159: Steinar Gullvåg (Ap), Nøtterøy


• Representant nr. 160: Inga Marte Thorkildsen (SV), Oslo (utjevningsmandat).

Kommunikasjon |

Til Østfold |

Frå Tønsberg kan ein kome seg over Oslofjorden til Østfold på 35 min. Flybåten går nemleg frå Tønsberg kai til Fredrikstad (Engelsviken).

Ein kan ogso ta Bastø-Fosen frå Horten til Moss som går kvar halvtime 18 timar i døgnet, og er Noregs mest traffikerte ferjesamband.

Landbruk |

Av Vestfolds totalreal er tjue prosent jordbruksareal, som det høgaste talet i Noreg. Landbruket i Vestfold skapar kvart år verdiar for over ein miliard kronar.

Nesten samtlege erter som vert dyrka i Noreg kjem frå Vestfold, medan femten prosent av dei norske jordbæra vert dyrka i dette fylket. Ti prosent av Noregs morellar vert modna i Vestfold.

23 prosent av alt norsk matkorn vert produsert i Vestfold, medan 23 prosent av Noregs grønsaker og tretti prosent av landets økologiske grønsaker vert produsert i det same fylket.

Potetar, grønsaker, frukt og bær dekkjer berre åtte prosent av fylkets arealar, men utgjer meir enn halvparten av samla fyrstehandsverdi av planteproduksjonen.

Historie |

Historisk er Vestfold særleg kjend for ei stor mengd gravrøyser frå bronsealderen, viktige funn av vikingskip, og for det første bysamfunnet i Noreg, Kaupang i Tjølling, aust for Larvik. Fylket har òg ein av dei eldste noverande byane i landet, Tønsberg. I nyare historie har særleg skipsfart og kvalfangst i Sørishavet vore viktig.

Vikingtida |

På 800-talet var det seinare norske riksområdet samansett av om lag 30 smårike. Vestfold utgjorde då, saman med Lier og Eiker i Buskerud, eit eige kongedøme, og lokale høvdingar hadde etablert eit dynasti som seinare kunne samle Noreg til eitt rike. Familien til Harald Hårfagre, den første kongen i Noreg, kom i frå Vestfold.

Nyare historisk forsking sår tvil om dette, og meiner riket til Harald Hårfagre hadde basis på Vestlandet. Ein stiller spørsmål om ikkje småkongane i Vestfold og resten av Viken, i langt større grad enn Snorre gjev inntrykk av, var vasallar under den danske kongen. Dei frankiske riksannalane frå 813 opplyser at to danske kongar, Harald og Reginfred, søner av kong Godfred av Danmark, drog med hæren sin ad Westarfoldam til Vestfold for å slå ned eit opprør. Vestfold er skildra som plassert i den nordvestlegaste delen av riket deira.^[2]

Sjå òg |

• Fylkesordførarar i Vestfold


• Vestfoldmodellen


• Viken


• Distrikt i Noreg

Kultur |

• Vestfold Festspillene


• Litteraturuka i Vestfold

Kjelder |

• 
  


• 
  «Vestfold – klima» av Petter Dannevig i Store norske leksikon, snl.no.

Referansar |

1. 
   ↑ Vestfoldstatistikk
   


2. 
   ↑ http://arkeologi.blogspot.com/2006/11/mellom-danmark-og-normanna-land.html
   

Bakgrunnsstoff |

• Vestold fylkeskommune (med fleire lenker)


• Vestfold-statistikk


• Vestregionsamarbeidet


• Rådet for Drammensregionen


• Regionrådet 12k


• btvregion.no - fylkesregionrådet

Historie og kultur |

• Fylkesarkivet for Vestfold (historisk arkiv for Vestfold)


• Lokalhistoriske tekster om Vestfold


• Om historisk kystkultur i Vestfold


• Om litteraturen i Vestfold


• Bygde- og kirkebøker fra Vestfold

Kommunar i Vestfold
Færder · Holmestrand · Horten · Larvik · Re · Sande · Sandefjord · Svelvik · Tønsberg
Tidlegare kommunar: Andebu · Borre · Botne · Brunlanes · Hedrum · Hof · Lardal · Nøtterøy · Ramnes · Sandar · Sem · Skoger · Stokke · Strømm · Stavern · Tjølling · Tjøme · Våle · Åsgårdstrand

Fylke i Noreg
Akershus · Aust-Agder · Buskerud · Finnmark · Hedmark · Hordaland · Møre og Romsdal · Nordland · Oppland · Oslo · Rogaland · Sogn og Fjordane · Telemark · Troms · Trøndelag · Vest-Agder · Vestfold · Østfold