Hcfyk

Rob Rensenbrink
Rob Rensenbrink i 1978
Fødd	3. juli 1947 Amsterdam

Pieter Robert Rensenbrink (fødd 3. juli 1947) er ein nederlandsk tidlegare fotballspelar frå Amsterdam som spelte to VM-finalar for Nederland og vann cupvinnarcupen både i 1976 og 1978 med RSC Anderlecht. Han var ein kreativ venstreveng eller midtspiss, kjend som ein framifrå driblar, presis avsluttar og sikker straffeskytar.

Klubbspel |

Rensenbrink spelte 1965-69 på DWS i heimbyen. Sommaren 1969 gjekk han over til Club Brugge i Belgia, der han året etter var med å vinne den fyrste av fem belgiske cuppokalar. I 1971 vart han overført til storklubben RSC Anderlecht i Brussel. I Anderlecht var han den førande krafta og sentral då klubben i tida 1972-76 sikra seg fire nasjonale cuptitlar og to seriegull. Den 2. mai 1976 skåra han to av måla då Anderlecht vann finalen i cupvinnarcupen med 4-2 mot West Ham United. Også året etter nådde Anderlechet cupvinnarfinalen, der det vart tap mot Hamburger SV. Derimot tok Anderlecht ein ny triumf i cupvinnarcupen 1978 ved å slå Austria Wien 4-0 i Paris, etter at Rensenbrink skåra dei to fyrste måla. Med i alt 25 nettkjenningar i Cupvinnarcupen vert Rensenbrink ståande som toppskårar i turneringa som vart avslutta i 1999. Gjennom ni sesongar, 1971-80, skåra han 143 mål på 260 seriekampar for Anderlecht.

Landslagsspel |

Rensenbrink spelte 8 landskampar over ein 20-månaders periode i 1968-70, utan å kome på skårongslista. Fyrst i oktober 1973 fekk han sin landskamp nummer ni. Han deltok i alle kampane under Fotball-VM 1974, der han skåra det andre målet då Nederland vann 2-0 over Aust-Tyskland i kvartfinalen. To år seinare var han med då Nederland vann bronse i EM i fotball 1976 etter å ha sigra 3-2 mot Jugoslavia i Zagreb. Størst rolle i det nederlandske landslaget hadde han under verdsmeisterskapen 1978 i Argentina. Han skåra fem mål i meisterskapen, fire av dei på straffespark, men kunne ikkje hindre at vertslandet vann finalen med 3-1 etter ekstraomgangar. Rensenbrink spelte sin 46. og siste landskamp i Chorzów 2. mai 1979. Han skåra 14 landslagsmål.

Merittar |

• VM-sølv: 1974 og 1978 for Nederland


• EM-bronse: 1976 for Nederland


• Vinnar av cupvinnarcupen: 1976 og 1978 med RSC Anderlecht


• Belgisk cupmeister: 1970 med Club Brugge, 1972, 1973, 1975 og 1976 med RSC Anderlecht


• Belgisk seriemeister: 1972 og 1974 med RSC Anderlecht

Kjelder |

• eu-football

v • d • e Nederland sin tropp – VM i fotball 1974
1 Geels • 2 Haan • 3 Van Hanegem • 4 Van Ierssel • 5 Israël • 6 Jansen • 7 De Jong • 8 Jongbloed • 9 Keizer • 10 R. van de Kerkhof • 11 W. van de Kerkhof • 12 Krol • 13 Neeskens • 14 Cruijff (kaptein) • 15 Rensenbrink • 16 Rep • 17 Rijsbergen • 18 Schrijvers • 19 Strik • 20 Suurbier • 21 Treijtel • 22 Vos • Trenar: Michels

v • d • e Nederland sin tropp – EM i fotball 1976 (bronsemedalje)
1 Schrijvers • 2 Suurbier • 3 Rijsbergen • 4 van Kraaij • 5 Krol • 6 Neeskens • 7 Jansen • 8 Rep • 9 Cruijff (lagkaptein) • 10 W. van de Kerkhof • 11 Rensenbrink • 12 van Hanegem • 13 Geels • 14 Peters • 15 R. van de Kerkhof • 16 Arntz • 17 Ruiter • 18 Jongbloed • 19 Kist • 20 Meutstege • Trenar: Knobel

v • d • e Nederland sin tropp – VM i fotball 1978 (sølvmedalje)
1 Schrijvers • 2 Poortvliet • 3 Schoenaker • 4 Van Kraay • 5 Krol (kaptein) • 6 Jansen • 7 Wildschut • 8 Jongbloed • 9 Haan • 10 R. van de Kerkhof • 11 W. van de Kerkhof • 12 Rensenbrink • 13 Neeskens • 14 Boskamp • 15 Hovenkamp • 16 Rep • 17 Rijsbergen • 18 Nanninga • 19 Doesburg • 20 Suurbier • 21 Lubse • 22 Brandts • Trenar: Happel