Hcfyk

Ruud Krol
Fødd	24. mars 1949 Amsterdam

Rudolf Jozef Krol (fødd 24. mars 1949), best kjend som Ruud Krol, frå Amsterdam i Nederland er ein tidlegare fotballspelar og noverande fotballtrenar. Han vann Europacupen tre gongar med Ajax og fekk VM-sølv med Nederland i 1974 og 1978. Mellom 1969 og 1983 aksla han Nederlands landslagsstøyre 83 gongar.

Klubbspel |

Krol debuterte for Ajax i 1968 under den legendariske trenaren Rinus Michels. Han spelte venstreback på det laget som nådde finalen i Europacupen for serievinnarar i 1969, men spelte ikkje finalen grunna beinbrot. Derimot var han med på å vinne Europacupen med Ajax tre år i rad, 1971 til 1973. Medan fleire av lagkameratane, som Johan Cruijff og Johan Neeskens, forlet Ajax, spelte Krol for klubben fram til januar 1980. Han flytta då til Canada for å spele i 'Vancouver Whitecaps' i den nord-amerikanske fotballigaen. Etter ein sesong i Vancouver flytta han tilbake til Europa og spelte fire sesongar for den italienske toppklubben Napoli. Frå 1984 til han la opp i 1986 spelte Krol for franske Cannes.

Landslagspel |

Ruud Krol under VM i 1974, i kampen mot DDR

Krol debuterte for Nederlands fotballandslag mot England 1969. Han var gjennom 1970-talet ei viktig brikke i den nederlandske totalfotballen. Han hadde stor fart og ein god pasningsfot, med få unnatak spelte han i forsvaret. Under verdsmeisterskapen i fotball 1974 i Vest-Tyskland spelte Krol venstreback. Nederland tapte då VM-finalen i München med 1-2 mot Vest-Tyskland.

Ved verdsmeisterskapen i fotball 1978 i Argentina hadde Krol plass i midtforsvaret. Han spelte då i ein liberoposisjon og var lagkaptein. Som i 1974 gjorde Krol ei god turnering, men kunne ikkje hindre Nederland på ny tapte sin andre rake VM-finalen, då med 1–3 mot vertsnasjonen Argentina.

Krol var også lagkaptein for Nederland under EM 1980, laget rauk då ut i gruppespelet. Dei nederlandske landslaga heldt ikkje same kvalitet tidleg i 1980-åra som tidlegare. Nederland mislukkast å kvalifisere seg til VM 1982. Krol spelte sin 83. og siste landskamp i 1983, då laget tapte 0-1 for Spania i ein kvalifiseringskamp til europameisterskapen 1984. Med sine 83 landskampar hadde han spelt fleire kampar for Nederland enn nokon anna spelar. Først under EM 2000 vart han overgått, då Aron Winter sin 84. landskamp.

Trenar |

Krol har vore landslagssjef for Egypt og assisterande langslagstrenar for Nederland under Louis van Gaal. Sidan 2008 har han vore trenar for Orlando Pirates i USA.

Meistertitlar og medaljar som spelar |

• Seks gongar nederlandsk seriemeister med Ajax Amsterdam: 1970, 1972, 1973, 1977, 1979, 1980


• Fire gongar nederlandsk cupmeister med Ajax Amsterdam: 1970, 1971, 1972, 1979


• Tre gongar vinnar av Europacupen med Ajax Amsterdam: 1971, 1972, 1973


• VM-sølv med Nederland: 1974 og 1978


• EM-bronse med Nederland i 1976

Kjelder |

v • d • e Nederland sin tropp – VM i fotball 1974
1 Geels • 2 Haan • 3 Van Hanegem • 4 Van Ierssel • 5 Israël • 6 Jansen • 7 De Jong • 8 Jongbloed • 9 Keizer • 10 R. van de Kerkhof • 11 W. van de Kerkhof • 12 Krol • 13 Neeskens • 14 Cruijff (kaptein) • 15 Rensenbrink • 16 Rep • 17 Rijsbergen • 18 Schrijvers • 19 Strik • 20 Suurbier • 21 Treijtel • 22 Vos • Trenar: Michels

v • d • e Nederland sin tropp – EM i fotball 1976 (bronsemedalje)
1 Schrijvers • 2 Suurbier • 3 Rijsbergen • 4 van Kraaij • 5 Krol • 6 Neeskens • 7 Jansen • 8 Rep • 9 Cruijff (lagkaptein) • 10 W. van de Kerkhof • 11 Rensenbrink • 12 van Hanegem • 13 Geels • 14 Peters • 15 R. van de Kerkhof • 16 Arntz • 17 Ruiter • 18 Jongbloed • 19 Kist • 20 Meutstege • Trenar: Knobel

v • d • e Nederland sin tropp – VM i fotball 1978 (sølvmedalje)
1 Schrijvers • 2 Poortvliet • 3 Schoenaker • 4 Van Kraay • 5 Krol (kaptein) • 6 Jansen • 7 Wildschut • 8 Jongbloed • 9 Haan • 10 R. van de Kerkhof • 11 W. van de Kerkhof • 12 Rensenbrink • 13 Neeskens • 14 Boskamp • 15 Hovenkamp • 16 Rep • 17 Rijsbergen • 18 Nanninga • 19 Doesburg • 20 Suurbier • 21 Lubse • 22 Brandts • Trenar: Happel

v • d • e Nederland sin tropp – EM i fotball 1980
1 Schrijvers • 2 Wijnstekers • 3 van de Korput • 4 Hovenkamp • 5 Krol (lagkaptein) • 6 Poortvliet • 7 R. van de Kerkhof • 8 W. van de Kerkhof • 9 Kist • 10 Haan • 11 Otto • 12 Rep • 13 Nanninga • 14 Koster • 15 Stevens • 16 Doesburg • 17 Vreijsen • 18 Thijssen • 19 Zondervan • 20 van Breukelen • 21 Brandts • 22 Metgod • Trenar: Zwartkruis