Distrikt på Kypros
Eit distrikt (gresk επαρχία, eparkhía, tyrkisk kaza) utgjer ei administrativ inndeling av Republikken Kypros. Det er seks distrikt[1] som igjen er delte inn i 39 kommunar[2] og 485 lokalstyrde busetnader.[3]
Kart som viser distrikta på Kypros
- Levkosía
- Kerýnia
- Ammókhostos
- Lárnaka
- Lemesós
- Páfos
Dei to britiske militærbasane Akrotíri og Dekélia i sør og søraust er Britiske oversjøiske territorium.[4]
Etter den tyrkiske invasjonen i 1974 har den nordlege delen av øya vore utanfor kontroll frå styresmaktene, frå 1983 administrert av Den tyrkiske republikken Nord-Kypros. Det gjeld heile distriktet Kerýnia, det meste av distriktet Ammókhostos, ein stor del av distriktet Levkosía og ein liten del av distriktet Lárnaka, i alt ni kommunar og 135 lokalstyrde busetnader.[3][5]
Mellom dei områda som er kontrollerte av republikken Kypros, og dei områda som er administrerte av Nord-Kypros, er det ein buffersone som er kontrollert av FN, ofte kalla «den grøne linja».
Referansar |
↑ Unionen av kypriotiske kommunar (Union of Cyprus Municipalities), historisk bakgrunn
↑ Unionen av kypriotiske kommunar (Union of Cyprus Municipalities), kommuneoversyn
↑ 3,03,1 Regionsutvalet i EU: Faktahefte om Kypros
↑ Traktat om britiske basar på Kypros
↑ Unionen av kypriotiske kommunar (Union of Cyprus Municipalities), oversyn over kommunar administrert av Nord-Kypros
Distrikt på Kypros | |
|---|---|
Levkosía • Kerýnia • Ammókhostos • Lárnaka • Lemesós • Páfos |
