Hcfyk

Sykkylven kommune
kommune
kommunevåpen
Land	Noreg
Fylke	Møre og Romsdal
Adm.senter	Sykkylven
Areal	338 km²
- land	329 km²
- vatn	9 km²
Folketal	7 695 (1. januar 2018)
Folketettleik	23 / km²
Målform	nynorsk
Ordførar	Odd J. Drotninghaug (Sp)
Kommunenr.	1528
Wikimedia Commons: Sykkylven
Nettstad: www.sykkylven.kommune.no

Sykkylven er ein kommune på Sunnmøre i Møre og Romsdal med om lag 7600 innbyggjarar. Kommunen grensar til Stordal og Stranda i aust og til Ørsta i sørvest. I nord ligg Storfjorden med Ålesund, Skodje og Ørskog på andre sida. Om lag 3/4 av folket i kommunen bur langsmed den åtte kilometer lange Sykkylvsfjorden, ein sidefjord av Storfjorden. Kommunikasjonen på tvers av fjorden vart monaleg betre då Sykkylvsbrua vart opna i 2000 mellom krinsane Vik og Ikornnes.

Namnet Sykkylven er truleg eit gamalt fjordnamn. Sistelekken -ylven tyder truleg ‘lågt fuktig lende’, medan fyrstelekken anten kan kome av ‘sekk’ (jf. det faktum at det er tale om ein sekkefjord) eller av ‘stilleståande eller langsamt rennande vatn’, eventuelt ‘lita vik’ (jf. skrivemåten Síkiflir).

Sykkylven er ei fin bygd for fjellturar. Der er mange høve til gåturar og til skiturar, til dømes på Fjellsætra der det er skianlegg for alpint (Sunnmørsalpane skiarena) og for langrenn. Dei høgaste tindane, som Råna (1586 moh.), eignar seg for fjellklatring.

I kulturlivet merkar Sykkylven seg ut med eit rikt musikkliv med sju korps, ti kor, storband og fleire band.

Det kjem ut ei lokalavis for kommunen, Sykkylvsbladet, med redaksjonslokale på kommunesenteret Aure.

Historie |

Sykkylven var del av Ørskoug prestegjeld og tinglag, og Ørskoug kommune frå 1837. Sykkylven vart skild ut frå Ørskog som eigen kommune i 1883. Bygdene Ramstaddalen og Søvikdalen på sørsida av [8Storfjorden]] vart tilførte frå Ørskog i 1955.^[1]

Arkeologiske funn under leiing av fylkesarkeolog i Møre og Romsdal, Bjørn Ringstad, viser at der har vore fast busetnad på tettstaden Aure sidan 800 år f. Kr.

Norsk møbelfaglig senter er lokalisert i Sykkylven, og er eit dokumentasjonssenter og museum for møbelindustrien.

Folketalsutvikling |

Folketalsutvikling for Sykkylven kommune frå 1883:

^aDette talet omfattar ikkje eit område som var del av Ørskog kommune fram til 1955, då det vart overført til Sykkylven kommune. Dette området hadde då 348 innbyggjarar.

Næringsgrunnlag |

Hovudnæringa i Sykkylven er industri, med hovudvekt på møbelindustri. Dei mest kjende møbelfabrikkane er Ekornes, Scandinor ANS, Hjellegjerde, Brunstad og Formfin. I tillegg er der industrigreiner som produserer transformatorar, emballasjeprodukt, stålkomponentar, baderomsinnreiing, bygningsprofilar og utstyr til skip og oljeinstallasjonar. Der er òg fleire underleverandørar, sørvisbedrifter og design- og arkitektkontor.

Tettstader og bygder |

Sykkylven har tre tettstader:

• Sykkylven sentrum er sett saman av bygdene/gardane Aure, Ørsneset, Grebstad og Vik og er med vel 4000 innbyggjarar den 8. største tettstaden i Møre og Romsdal


• 
  Ikornnes med 825 innbyggjarar


• 
  Straumgjerdet (stundom skrive Straumgjerde med 482 innbyggjarar

Av bygder og bygdelag kan desse nemnast:

• Velledalen


• Ramstaddalen


• Hundeidvika

Offentlege institusjonar |

I Sykkylven prestegjeld har ein to sokn: Sykkylven og Ikornnes. Prestegjeldet høyrer til Austre Sunnmøre prosti i Møre bispedømme. Sykkylven kyrkje vart vigsla i 1990, etter at gamlekyrkja brann ned i 1983. Ikornnes kyrkje vart vigsla i 1978.

Sykkylven lensmannsdistrikt i Sunnmøre politidistrikt høyrer til Sunnmøre tingrett.

Sykkylven har ein vidaregåande skule, Sykkylven vidaregåande skule, med yrkesfaglege og studieførebuande studieprogram.

Kjende folk frå Sykkylven kommune |

• 
  Elisabeth Andreassen (1958–),


• 
  Edvard Drabløs (1883–1976), skodespelar.


• 
  Karl Arne Utgård (1951–), høgsterettsdomar.


• 
  Jens Petter Ekornes, tidl. konsernsjef.


• 
  Jens E. Ekornes (1908–1976), møbelprodusent.


• 
  Ingmar Relling (1920–2002), møbeldesignar.


• 
  Otto Hjellegjerde,(1917–1997), møbelprodusent.


• 
  Henrik Straumsheim,(1893–1975), diktar.


• 
  Rolf Sagen, forfattar.


• 
  Jostein Fet, litteraturforskar og fagbokforfattar.


• 
  Martin Ystenes, professor.


• 
  Arnold Weiberg-Aurdal, fødd 1925, tidl. stortingsrepresentant, ordførar og forfattar.


• 
  Nicolay Grevstad (1851–1940), norsk-amerikansk jurist, pressemann, politikar og diplomat.


• 
  Øystein Eliassen (1922-1997) ordførar (1970-75), fylkespolitikar og likningssjef(1951-1990).


• Karstein Oddmund Vik, (1919 -2003), arkitekt og fiskeoppdretter.


• 
  Hilde Louise Asbjørnsen, (1976– ) kabaretartist og musikar


• 
  Rune Bergmann, (1976- ) dirigent


• 
  Kenneth Ekornes (1974- ) musikar


• 
  Bernt Fauske, skipseigar,

Kjelder |

Bakgrunnsstoff |

• Sykkylven kommune


• Sykkylven sogenemnd (med tilvisingar til lokalhistorisk litteratur)


• Ringstad, Bjørn. 2001. Aura-Pål sitt rike. Sykkylven: Sykkylven sogenemnd.


• Odd Karstein Fløtre. 2009. Jomsvikingslaget i oppklarende lys. Vikingtid i Sykkylven.


• Gjævenes, Martin. 1957. Utvandrarane frå Sykkylven. Sykkylven: Sykkylven sogenemnd. [1]
  


• Sykkylven: gardssoga. 1972–1983. 4 band. Sykkylven: Sykkylven sogenemnd.


• Høidal, Eldar. 1990. Industrisoge for Sykkylven. Sykkylven: Sykkylven industrilag.


• Sykkylven kommune


• Sykkylven Reiselivsforum


• Sykkylven kommune, sentrumsområdet - vevkamera

Kommunar i Møre og Romsdal
Sunnmøre	Giske Haram Hareid Herøy Norddal Sande Skodje Stordal Stranda Sula Sykkylven Ulstein Vanylven Volda Ørskog Ørsta Ålesund
Romsdal	Aukra Fræna Midsund Molde Nesset Rauma Sandøy Vestnes
Nordmøre	Aure Averøy Eide Gjemnes Halsa Kristiansund Smøla Sunndal Surnadal Tingvoll

Denne geografiartikkelen er ei spire. Du kan hjelpe Nynorsk Wikipedia gjennom å utvide han.