Hcfyk

Vågsøy kommune
kommune
kommunevåpen
Land	Noreg
Fylke	Sogn og Fjordane
Adm.senter	Måløy
Areal	177 km²
- land	171 km²
- vatn	6 km²
Folketal	6 001 (1. januar 2018)
Folketettleik	35 / km²
Målform	nynorsk
Ordførar	Kristin Maurstad (Ap)
Kommunenr.	1439
Wikimedia Commons: Vågsøy
Nettstad: www.vagsoy.kommune.no

Vågsøy er ein kommune som ligg nordvest i Nordfjord i Sogn og Fjordane fylke, sør for Stad. Vågsøy er òg namnet på den største øya i kommunen. Kommunesenteret er Måløy, som fekk bystatus i 1997 saman med bygdene Degnepoll og Holvik. Kommunen grensar til Bremanger i sør, Vanylven og Eid i aust og Selje i nord.

Måløy

Kommunikasjon |

Byen Måløy ligg ved Ulvesundet, og byen og øya er knytte til fastlandet med Måløybrua på 1224 meter over til Degnepoll. Etter 5 mil langs Riksveg 5 og Riksveg 15 til Nordfjordeid følgjer vegsambandet sør og nordover Europaveg 39 medan Riksveg 15 fortset austover om Stryn og møter Europaveg 6 ved Otta.

Hurtigruta går innom Måløy fast. Det er snøggbåtsamband nordover til Selje og sørover til Florø og Bergen.

Næring |

Hovudnæringane er fiskeri, fiskeoppdrett og skipsverft. Det er meir enn 1 000 arbeidsplassar i fiskerinæringa på sjø og land, og her er eit av dei mest moderne fiskeindustrianlegga i Noreg. Kommunen er den største fiskerikommunen i landet når det gjeld landa kvantum i året (350 000 tonn (2002)). Målt i fyrstehandsverdi er han nr. 3 (etter Ålesund og Tromsø).

Kommunen i dag |

Då formannskapslovene vart innførte i 1837 var Vågsøy og Selje ein kommune. Selje var både kyrkjestad og administrasjonssenter.

I 1900 vart Vågsøy skilt ut som eige kyrkjesokn og i 1910 vart òg kommunegrensene lagde om. Det vart oppretta to nye kommunar: Sør-Vågsøy og Nord-Vågsøy. Måløy vart administrasjonssenter for Sør-Vågsøy, Raudeberg i Nord-Vågsøy.

I 1965 vart dei to kommunane slått saman, kommunegrensene vart justerte noko og Måløy vart felles administrasjonssenter.

Bygdene Sørpoll, Osmundsvåg og Silda i nord er no ein del av Vågsøy. I sør er øyane Husevågøy og Gangsøy i Fåfjorden lagde til kommunen. I aust vart Bryggja og Maurstad delar av Vågsøy då Davik kommune vart nedlagt.

Tettstader |

• Bryggja


• Holvik


• Måløy


• Raudeberg


• Vågsvåg

Store hendingar |

Måløy var hovudhamn for Tall Ships’ Race i 2008.

Arkiv frå Vågsøy kommune |

Kommunale arkiv. Henta frå Arkivportalen.no

Privatarkiv. Henta frå Arkivportalen.no

Statlege arkiv. Henta frå Arkivportalen.no

Bakgrunnsstoff |

• Vågsøy kommune


• http://www.vivest.no/vaagsoy.html

Kommunar i Sogn og Fjordane
Sogn	Aurland Balestrand Gulen Hyllestad Høyanger Leikanger Luster Lærdal Sogndal Solund Vik Årdal
Sunnfjord	Askvoll Bremanger Fjaler Flora Førde Gaular Jølster Naustdal
Nordfjord	Bremanger Eid Gloppen Hornindal Selje Stryn Vågsøy