Hcfyk

Eigersund kommune
kommune
kommunevåpen
Land	Noreg
Fylke	Rogaland
Adm.senter	Egersund
Areal	432 km²
- land	387 km²
- vatn	45 km²
Folketal	14 898 (1. januar 2018)
Folketettleik	38 / km²
Målform	bokmål
Ordførar	Odd Stangeland (Ap)
Kommunenr.	1101
Wikimedia Commons: Eigersund
Nettstad: www.eigersund.kommune.no

Eigersund kommune ligg i Dalane i Rogaland fylke og grensar i vest til Hå, i aust til Sokndal og Lund og i nord til Bjerkreim og til Sirdal i Vest-Agder. Kommunen har sine noverande grenser frå 1965 ved samanslåing av dei tidlegare kommunane Egersund, Eigersund, Helleland og delar av Heskestad.

Administrerande senter i kommunen er byen Egersund. Lokalavisa er Dalane Tidende, som òg dekkjer tre dei andre kommunane i regionen.

Geografi |

Egersund sentrum

Eigersund utgjer fastlandet og den busette øya Eigerøy. Ved kysten er det lågland med snaue og avrunda berg med lite vegetasjon, utanom kring kommunesenteret Egersund og tettstadene Hellvik og Helleland, der Egersund treplantingsselskap har drive og planta tre i over 100 år. Lenger inn i landet er det meir frodig med ein del skog i dalane. Her er landskapet bratt og i nordaust finst det høgder på 650–850 moh. I sørvest er toppane lågare og ligg på kring 250–350 moh. Det høgste fjellet i kommunen er Store Skykula (906 m) nord for Gyadalen. I området nært Egersund ligg høgdene på rundt 100 moh.

Sørvest for Egersund, utanfor Eigerøy, ligg det eit såkalla amfidromisk punkt, dvs. eit nullpunkt i havet i høve tidvatnet. Tidvatn frå to ulike retningar, den engelske kanalen og nord for Skottland, treffes her og nøytraliserer kvarandre. Resultatet er at det ikkje er forskjell på flo og fjære i Egersund. Langs kysten av Vestlandet og Sørlandet er det på grunn av dette nullpunktet heller ikkje store forskjellar i tidvatnet.

Samferdsle |

Eigerøy bru inngår i Rv502 og bind Eigerøya til fastlandet

Egersund er eit viktig trafikknutepunkt. Her møtest fleire viktige riksvegar, Fv44 Stavanger-Flekkefjord og Fv42 Arendal–Egersund; Rv502 til Eigerøya. E 39 passerer Eigersund 10 km nordvest for kommunesenteret. Sørlandsbanen går gjennom kommunen; Egersund stasjon ligg like nord for bysenteret. Anløp av kystruteskip, og ferjesamband til Danmark .

Kommunenamn og -våpen |

Namnet Eigersund kjem av norrønt språk Eikundarsund, sundet mellom eiketre. Ein person frå Eigersund vert kalla for eigersundar.

Kommunevåpenet vart godkjent ved kongeleg resolusjon i 1972. Motivet er på grøn botn eit opprett eikeblad og står som symbol for utbreiinga eika har i kommunen.

Kjente folk frå Eigersund |

• 
  Tor Arne Hetland (1974–), kjent langrennsløpar


• 
  Bengt Sæternes (1975–), fotballspelar


• 
  Anna Bugge (1862–1928), internasjonalt kjent kvinnesaksforkjempar og diplomat i Genève for Sverige

Bakgrunnsstoff |

• Eigersund kommune


• 
  Vêrvarsel for Eigersund - yr.no
  

Kommunar i Rogaland
Bjerkreim Bokn Eigersund Finnøy Forsand Gjesdal Haugesund Hjelmeland Hå Karmøy Klepp Kvitsøy Lund Randaberg Rennesøy Sandnes Sauda Sokndal Sola Stavanger Strand Suldal Time Tysvær Utsira Vindafjord

Koordinatar: 58°27′8.5″N 6°0′11.2″E