Svenska Akademien
Børshuset ved Stortorget i Gamla Stan i Stockholm
Svenska Akademien er eit litterært og språkleg selskap i Sverige med sete i børshuset i Gamla Stan i Stockholm. Akademiet vart grunnlagd den 20. mars 1786 av kong Gustav III. Føremålet for akademiet er å fremje den svenske litteraturen og det svenske språket eller som det heitte opphavleg «arbeta uppå Svenska Språkets renhet, styrka och höghet».[1]
Svenska Akademien er kjend under namnet De Aderton fordi selskapet er sett saman av atten medlemmer.
Innhaldsliste
1 Verksemd
2 Medlemskap
3 Noverande medlemmer
4 Bakgrunnsstoff
5 Kjelder
Verksemd |
Kunngjering av nobelprisvinnaren i litteratur. Sekretæren Horace Engdahl møter pressa.
Internasjonalt er Akademiet mest kjend for utnemninga av Nobelprisvinnarar i litteratur. Til dei prisane som akademiet årleg eller jamleg deler ut, høyrer den norsk-svenske Doblougprisen og Akademiet sin nordiske pris.
Selskapet gjev jamleg ut Svenska Akademiens ordlista över svenska språket. Denne ordlista tek sikte på å atterspegla språket i samtida. Sidan 1786 har akademiet arbeidd med ei historisk ordbok over det svenske språket, eit fleirbindsverk som enno ikkje er ferdig utgjeve. Ein reknar med at siste band i ordboka kjem i 2017.
Medlemskap |
Svenska akademien har 18 medlemmer. Nye medlemmer vert valde inn etter hemmeleg avstemming mellom akademiets medlemmer. Kvart medlem sit på livstid og det er ikkje råd å avseie seg medlemskapet. Eit medlem kan bli kasta, om han til dømes bryt mot teieplikta og røper noko frå Akademiets interne drøftingar. Akademiet har ein fast sekretær (sv. ständig sekreterare). Sekretæren er akademiets talsperson. Kvart akademimedlem har sin nummererte stol.
Noverande medlemmer |
Dei noverande medlemmene ordna etter stolsnummer er:
Lotta Lotass, forfattar, innvald 2009
Bo Ralph, professor, innvald i 1999
Sture Allén, professor, innvald i 1980, fast sekretær 1986-1999
Anders Olsson, professor, innvald i 2008
Göran Malmqvist, professor, innvald i 1985
Tomas Riad, professor, innvald i 2011
Sara Danius, professor, innvald i 2013
Jesper Svenbro, forskar/poet, innvald i 2006- Ledig per 2017
Peter Englund, professor, forfattar, innvald i 2002, fast sekretær
Klas Östergren, forfattar, innvald i 2014
Per Wästberg, forfattar, innvald i 1997
Sara Stridsberg, forfattar, innvald i 2016[2]
Kristina Lugn, forfattar, innvald i 2006
Kerstin Ekman, forfattar, innvald i 1978, (sida 1989 deltek ikkje Ekman i Akademiet sitt arbeid)
Kjell Espmark, professor, innvald i 1981
Horace Engdahl, professor, innvald i 1997, fast sekretær 1999-2009
Katarina Frostenson, forfattar, innvald i 1992
Bakgrunnsstoff |
- Svenska Akademien si heimeside
SAOB, Svenska Akademiens ordbok online
SAOL, Svenska Akademiens ordliste online- Artiklar om alle noverande medlemmer av Akademien
Kjelder |
↑ http://www.svenskaakademien.se/Templates/Article1.aspx?PageID=539af8f0-1bed-4b22-abee-490c4dd14a91
↑ «Ny ledamot i Svenska Akademien». Svenska Akademien. Henta 20. august 2016.
